თბილისში, ზუბალაშვილების ქუჩაზე მდებარე ადვოკატთა ასოციაციის ოფისში წუხელ გაჩენილი ხანძრის შედეგად ის 4 ოთახი დაიწვა . საბედნიეროდ, არავინ დაშავებულა.
შინაგან საქმეთა სამინისტროს სსიპ საგანგებო სიტუაციების მართვის სააგენტოს გაცხადებით, ცეცხლი გვიან ღამით გაჩნდა. ხანძრის კერა ორსართულიანი ძველი შენობის მანსარდაში იყო. ადგილზე მუშაობდა 6 სახანძრო-სამაშველო ჯგუფი. ხანძარი ლიკვიდირებულია და გამომწვევ მიზეზებს გამოძიება სწავლობს, ჩართულია კრიმინალისტები და სახანძრო ექსპერტები.
ადვოკატთა ასოციაციის თავმჯდომარის დავით ასათიანის განცხადებით, ადვოკატთა ასოციაციის ფუნქციონირებას საფრთხე არ ემუქრება და 8 იანვრიდან შეუფერხებლად გააგრძელებს ყველა სერვისის მიწოდებას.
მისი ინფორმაციით, ყველა ძირითადი დოკუმენტაცია გადარჩენილია, განადგურდა სასამართლო საქმეების არქივი და ზოგიერთი მიმდინარე კორესპონდენცია. ასევე სრულადაა გადარჩენილია ეთიკის კომისიის დოკუმენტები და ფინანსური დოკუმენტაცია.
„ადვოკატთა ასოციაციის ფუნქციონირებას საფრთხე არ ემუქრება და 8 იანვრიდან შეუფერხებლად გავაგრძელებთ ყველა სერვისის მიწოდებას“, – განაცხადა დავით ასათიანმა.