ბერლინის პოლიციამ დაიწყო გამოძიება ორი რუსი ოპოზიციონერის შესაძლო მოწამვლის საქმეზე, რომლებიც აპრილში ესწრებოდნენ კონფერენციას გერმანიის დედაქალაქში.

“საქმე გაიხსნა ხელმისაწვდომი ინფორმაციის საფუძველზე”, – განუცხადა ბერლინის პოლიციის სპიკერმა CNN-ს.

გერმანული გაზეთი Welt am Sonntag, რომელმაც პირველად გაავრცელა აღნიშნულის შესახებ ინფორმაცია წერს, რომ აღნიშნულმა პირებმა მონაწილეობა მიიღეს კრემლის კრიტიკოსის, მიხეილ ხოდორკოვსკის მიერ 29 და 30 აპრილს ბერლინში გამართულ კონფერენციაში.

ბერლინის პოლიციამ რუსი დევნილების ვინაობა არ დაასახელა.

პოლიციამ გამოძიება მას შემდეგ დაიწყო, რაც კონფერენციის კიდევ ერთმა მონაწილემ, ფონდ “თავისუფალი რუსეთის” პრეზიდენტმა, ნატალია არნომ საჯაროდ ისაუბრა ევროპაში მოგზაურობის შემდეგ ჯანმრთელობის პრობლემებზე