“ყვარლის ტბასთან” დაკავებული და ზაჰესის დროებითი დაკავების იზოლატორში გადაყვანილი ელენე ხოშტარია პირველ განცხადებებს აკეთებს და ამბობს, რომ “ამათთან თანამშრომლობას” არ აპირებს, რადგან ელემენტარული მისი უფლებები არ დაიცვეს.
ამასთან, ელემე ხოშტარიამ დაკავების დეტალებიც გაიხსენა და სახალხო დამცველის აპარატის საქმიანობასაც შეეხო:
“მე პირადად ვინც დამაკავა კახეთში, არანაირი პრეტენზია იმასთან არ გამაჩნია, თუმცა თვითონ პროცესი იყო მათთვისვე დამამცირებელი. დარბოდნენ, სადღაც მიმარბენინებდნენ, სადღაც მომარბენინებდნენ…
სხვათა შორის, მინდა ვთქვა, რომ სახალხო დამცველის ორი წარმომადგენელი იყო მოსული, რომლებმაც დაინახეს, როგორ გამაქცუნეს იქ სადღაც გაურკვეველი მიმართულებით და სამწუხაროდ, არანაირი განცხადება ამაზე არ გაუკეთებიათ. სახალხო დამცველი, სამწუხაროდ, არის იგივე ივანიშვილის…
არამხოლოდ ამიტომ, ამ ფაქტის გამო არა, მანამდეც ვიცოდი, რომ ლევან იოსელიანი არის “ქართული ოცნების” წარმომადგენელი, მაგრამ, რა თქმა უნდა, ეს დამატებითი ფაქტიც ამაზე მეტყველებს”, – აცხადებს ელენე ხოშტარია.