სულ მცირე 39 ადამიანი გარდაიცვალა მექსიკა-ამერიკის საზღვარზე, ქალაქ სიუდად-ხუარესში მდებარე საემიგრაციო ცენტრში გაჩენილი ხანძრის შედეგად, – ამის შესახებ ინფორმაციას CNN ადგილობრივ ხელისუფლებაზე დაყრდნობით ავრცელებს.

მათივე ინფორმაციით, ცეცხლი შენობაში მას შემდეგ გაჩნდა, რაც მათ 71 მიგრანტი აიყვანეს ქალაქის ქუჩებიდან.

CNN წერს, რომ ჯერ-ჯერობით ხანძრის გაჩენის მიზეზისა და გარდაცვლილების ეროვნების შესახებ ინფორმაცია მექსიკის ეროვნული მიგრაციის ინსტიტუტს არ გაუვრცელებია.

თუმცა, ერთ ერთი თვითმხილველი ამბობს, რომ ცენტრში მყოფი მიგრანტების უმეტესობა ვენესუელიდან იყო.

CNN-ის ცნობით, ეს ბოლო წლების განმავლობაში, ყველაზე ძლიერი ხანძარი იყო მექსიკაში.