წამების საწინააღმდეგო კომიტეტის წევრები კლინიკა ვივა მედში მიხეილ სააკაშვილის მოსანახულებლად კიდევ ერთხელ მივიდნენ. შესვლის წინ მათ მედიასთან კომენტარი არ გაუკეთებიათ. დელეგაცია 6 წევრისგან შედგება, ისინი მიხეილ სააკაშვილთან გუშინ, 26 მარტსაც იმყოფებოდნენ.
როგორც ცნობილია, კომიტეტის წევრები კლინიკაში მიხეილ სააკაშვილის სამედიცინო ისტორიას გაეცნენ, ასევე ესაუბრნენ მიხეილ სააკაშვილის მკურნალ ექიმს და კლინიკის ადმინისტრაციას.
მანამდე, წამებისა საწინააღმდეგო კომიტეტის წევრები სახალხო დამცველის ეგიდით შექმნილ კონსილიუმს შეხვდნენ. კომისიის წევრებს მიხეილ სააკაშვილის ჯანმრთელობის მდგომარეობაზე ომბუდსმენის კონსილიუმის მიერ მომზადებული 6 დასკვნა გადაეცა.