პარლამენტთან აქციის მონაწილეებმა რუსეთის დროშა დაწვეს.
აქტივისტებმა ამ ფორმით რუსული კანონი გააპროტესტეს. აქცია პარლამენტთან დილიდან მიმდინარეობს, სამოქალაქო აქტივისტები, მესამე სექტორის წარმომადგენლები, სტუდენტები და ჟურნალისტები რუსულ კანონს აპროტესტებენ.
აქციის პარალელურად საკომიტეტოს სხდომათა დარბაზში რუსული კანონის განხილვა მიმდინარეობს. სხდომაზე იყო ხმაური, სიტყვიერი და ფიზიკური დაპირისპირება. დარბაზიდან რამდენიმე ოპოზიციონერი დეპუტატი გააძევეს.
ოპოზიცია მომდევნო დღეებში ფართომასშტაბიან აქციას აანონსებს.