კამპანია “ზუგდიდი პოკროვსკისთვის” ფარგლებში, შაბათს, სოციალური კაფე “მეგო-ბარში” პოეზიის საღამო გაიმართება. აქ მოსულ სტუმრებს საკუთარ ლექსებს წაიკითხავენ პოეტები ზეინაბ სარია, გიორგი შონია და ნიკა ლაშხია. ღონისძიებაზე დასწრების მსურველებს სიმბოლური 5 ლარის გადახდა მოუწევთ, რომელიც ზუგდიდთან დამეგობრებული უკრაინული ქალაქის მხარდასაჭერ ფონდში გადაირიცხება.
პოეზიის საღამო “სამოქალაქო სოლიდარობის ფონდის” ორგანიზებით ტარდება და ის 16:00-ზე დაიწყება.
“სამოქალაქო სოლიდარობის ფონდი” სხვადასხვა საზოგადოებრივი ორგანიზაციის წარმომადგენლებისა და ადგილობრივი აქტივისტების ინიციატივით ზუგდიდში რამდენიმე კვირის წინ დაფუძნდა.
დახმარების სურვილის შემთხვევაში თანხის გადარიცხვა შესაძლებელია ანგარიშებზე:
თიბისი ბანკი: GE39TB7290236080100014
საქართველოს ბანკი: GE85BG0000000541617501