არც შეხვედრა მაინტერესებს, არც საუბარი… ნამდვილად არ მესმის, ვინ იღებს გადაწყვეტილებებს რუსეთში – აცხადებსუ უკრაინის პრეზიდენტი Sky News-თან ინტერვიუში და ამბობს, რომ პუტინი მისთვის დღეს „არავინაა“.

ზელენსკის თქმით, მას „არ ესმის, ვინ იღებს გადაწყვეტილებებს რუსეთში“ და მიუხედავად იმისა, რომ მოსკოვი გამუდმებით საუბრობს მშვიდობაზე, ის იტყუება და უკრაინას რაკეტებით უტევს.

ზელენსკიმ აღნიშნა, რომ უკრაინელების სიცოცხლის გადარჩენა მისი ნომერ პირველი პრიორიტეტია პუტინის რეჟიმის მიერ გაჩაღებულ უსამართლო ომში.

„არ მინდა რუსეთის ტერიტორიაზე ბრძოლა. უბრალოდ მინდა, რაც შეიძლება მალე შეწყვიტონ ომი და რაც შეიძლება მალე დატოვონ ჩვენი ქვეყანა. დანამდვილებით შემიძლია გითხრათ, თუ ისინი დატოვებენ ჩვენს ტერიტორიას, ომი გაჩერდება. სულ ეს არის“, – განაცხადა ზელენსკიმ.

კითხვაზე, დაგვიანებულია თუ არა მოლაპარაკებები, ზელენსკი პასუხობს: “სრულმასშტაბიანი შემოჭრის შემდეგ [პუტინი] ჩემთვის არავინაა.”