სააგენტო Joinfo.ua თავის წყაროებზე დაყრდნობით იუწყება, რომ ოდესაში ჩავიდა ე.წ ,,ოდესის მიმართულების“ კურატორი რუსეთის ფედერაციის პრეზიდენტის ადმინისტრაციაში ინალ არძინბა. მისი ძირითადი მიზანია არიოს ოდესასა და ბესარაბიაში არჩევნების შემდეგ შექმნილი ისედაც რთული სიტუაცია – განუცხადა გამოცემას ერთერთმა მაღალჩინოსანმა პირმა ოდესის სამართალდამცავი ორგანოებიდან. მისი ინფორმაციით, მოსალოდნელია ბესარაბიაში სახალხო რესპუბლიკა გამოცხადდეს და მოხდეს დაძაბულობის შემდგომი ესკალაცია. ყველივე ამას შეიძლება ახლდეს ტერორისტული აქტები და საბოლოო ჯამში უკრაინის ტერიტორიული მთლიანობის დარღვევის კიდევ ერთი ფაქტი დონბასის მაგალითისამებრ.
გამოცემა შეახსენებს მკითხველს, რომ ოდესის ტერიტორიალურმა საარჩევნო კომისიამ ოდესის არჩეულ მერად ოდესის მოქმედი ქალაქისთავი გენადი ტრუხანოვი გამოაცხადა. ოდესის ოლქის გუბერნატორი და მერობის კანდიდატი საშა ბოროვიკი აპირებენ სასამართლო წესით გააასაჩივრონ არჩევნების შედეგები. გუიბერნატორის გუნდს აქვს დოკუმენტურ საფუძველი ამტკიცის, რომ არჩევნების შედეგები გაყალბებულია.