რუსეთს სურს, რომ 1000 კმ-ზე მფრენი რაკეტები ვაშინგტონთან ახლოს განათავსოს.
ფრეგატი “ადმირალი გორშკოვი”, რომელიც რუსეთმა ახლახან გაგზავნა სამხედრო მისიით, აშშ-ის ნაპირებთან, თეთრი სახლიდან არც ისე შორს დადგება.
ამის შესახებ დიმიტრი მედვედევმა დღეს, 5 იანვარს განაცხადა.
ტრადიციულად, მედვედევმა მანერას არ უღალატა და უკრაინისთვის იარაღის მიწოდების გამო აშშ შეურაცხმყოფლად მოიხსენია, უწოდა რა ამერიკელებს “sons of bitches” (ბო*იშვილები, ნაბიჭვრები).
ასევე,მედვედევმა თქვა, რომ მთავარი საახალწლო საჩუქარი, “ადმირალ გორშკოვის” და რაკეტა “ცირკონის” სახით (ფრეგატი ამ რაკეტის მატარებელია), უკვე გაგზავნილია ნატოს ნაპირებისკენ.
“დადგება სადღაც, 100 მილზე ნაპირიდან, მდინარე პოტომაკთან ახლოს”, – დაამატა მედვედევმა.
100 მილი დაახლოებით 160 კმ-ია, ხოლო მდინარე პოტომაკზე დგას ვაშინგტონი.
