მთავარისიახლეებისაზოგადოებაეს ის წელია, როდესაც უკრაინამ შეცვალა მსოფლიო და მსოფლიომ აღმოაჩინა უკრაინა -...

ეს ის წელია, როდესაც უკრაინამ შეცვალა მსოფლიო და მსოფლიომ აღმოაჩინა უკრაინა – ზელენსკი

Published on

24 თებერვალს ჩვენ დავიწყეთ ჩვენი გამარჯვების შექმნა – ამ სიტყვებით მიმართა უკრაინელებს საახალწლო ვიდეომიმართვისას ქვეყნის პრეზიდენტმა და 2022 შეაჯამა. ვოლოდიმირ ზელენსკის თქმით, 24 თებერვალს უკრაინამ და უკრაინელებმა აირჩიეს არა გაქცევა, არამედ დარჩენა და ბრძოლა. მისივე თქმით, ამ წელს უკრაინამ შეცვალა მსოფლიო:

“311 დღე გავიდა. ჩვენ, შესაძლოა, ისევ სიბნელეში ვიყოთ, ხმაურში და ბრძოლა რთული იყოს, მაგრამ ჩვენ უკვე აღარ შეგვეშინდება და არასდროს შეგვრცხვება. ეს ჩვენი წელი იყო უკრაინის წელი. უკრაინელების წელი. 24 თებერვალს მილიონობით ჩვენგანმა გააკეთა არჩევანი. არა თეთრი, არამედ ლურჯ-ყვითელი დროშა. არა გაქცევა, არამედ დახვედრა, წინააღმდეგობა და ბრძოლა.

24 თებერვალს ჩვენ დავიწყეთ ჩვენი გამარჯვების შექმნა. ჩვენ დავძლიეთ პანიკა. კი არ გავიფანტეთ, არამედ შევიკარით. ჩვენ გვჯეროდა საკუთარი თავის და ჩვენი ძალების. ეს ის წელია, როდესაც უკრაინამ შეცვალა მსოფლიო და მსოფლიომ აღმოაჩინა უკრაინა. ჩვენ გვეუბნებოდნენ: კაპიტულაცია. ჩვენ ავირჩიეთ კონტრშეტევა! გვეუბნებოდნენ, რომ დათმობებზე და კომპრომისებზე წავსულიყავით. ჩვენ მივდივართ ევროკავშირსა და ნატოში. ამ ახალ წელს მინდა ყველას ვუსურვო ერთი რამ – გამარჯვება. რომ ჩვენი ქალაქები თავისუფალი იყოს, ჩვენი მეგობრები – ერთგული.
დამოუკიდებელი უკრაინა, როგორც ეს იყო 1991 წლიდან. როგორც ეს ყოველთვის იქნება. დაე, ახალმა წელმა მოიტანოს ეს ყველაფერი. ჩვენ მზად ვართ ვიბრძოლოთ ამისთვის. დიდება უკრაინას!” ამბობს ვოლოდიმირ ზელენსკი საახალწლო ვიდეომიმართვაში.

სიახლეები

რა ხდება მოსკოვში, ბალაშიხაში, სადაც დიდი ქიმიური ქარხანა იწვის [ვიდეო]

მოსკოვში ცეცხლი გაჩნდა ბალაშიხას ქიმიურ ქარხანაში, რომელიც ერთ-ერთი უდიდესია რუსეთში. ხანძრის კერა, სავარაუდოდ, საწყობში...

არა მგონია, წალენჯიხაში მოეწონოთ, ტრუსიკიანმა კაცმა “ფერარით” რომ გაიშხუილა – არქიმანდრიტი დოროთე

არქიმანდრიტი დოროთე ყურაშვილი წალენჯიხაში კახა კალაძის ჩასვლაზე საკვირაო ქადაგების დროს ისაუბრა და ამასთან დაკავშირებით...

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...