ოკუპანტებმა ხერსონის ოლქი დღეს 74-ჯერ დაბომბეს. ქალაქს და შემოგარენს ესროდნენ არტილერიიდან, ზალპური ცეცხლის რეაქტიული სისტემებიდან, ნაღმმტყორცნებიდან და ტანკებიდან.

თავად ქალაქში სხვადასხვა სახის ჭურვი 36-ჯერ აფეთქდა, ყველა – საცხოვრებელ კვარტლებში. დაიღუპა 10 ადამიანი, 17 დაიჭრა. დაზარალებულებს შორის 6 წლის გოგონაა. მან მრავლობითი ჭრილობები მიიღო და მძიმე მდგომარეობაშია. აფეთქებების ხმა ამ დრომდე ისმის.