უკრაინაში Wagner-ის სამხედრო დაჯგუფებაში 50,000 მებრძოლი იბრძვის, საიდანაც 10,000 სამხედროს საკონტრაქტო შეთანხმება აქვს გაფორმებული, ხოლო დანარჩენი 40,000 ყოფილი პატიმარია- თეთრი სახლის მაღალჩინოსნებზე დაყრდნობით ავრცელებს ინფორმაციას ამერიკული გამოცემა, The Hill-ი.
გამოცემა იტყობინება, რომ “ვაგნერის” დამფუძნებელი პრიგოჟინი და მასთან დაკავშირებული პირები რუსეთის ფედერაციის თითქმის ყველა ციხეში მსჯავრდებულების რეკრუტირებას ცდილობენ, რათა უკრაინაში საომარ მოქმედებებში მონაწილეობის მისაღებად დაითანხმონ. ვაგნერის დაჯგუფების წევრთა მნიშვნელოვან ნაწილს სერიოზული სამედიცინო პრობლემები უფიქსირდებათ, რის მიზეზადაც არასათანადო პირობები სახელდება.
გარდა ამისა, თეთრი სახლის შეფასებით, პრიგოჟინი თვეში 100 მილიონ დოლარზე მეტს ხარჯავს ვაგნერის სამხედრო ოპერაციების დასაფინანსებლად უკრაინაში.