უნდა შევინარჩუნოთ მაღალი ეკონომიკური ზრდა. შარშან მივაღწიეთ ორნიშნა ეკონომიკურ ზრდას, წელს გვაქვს ორნიშნა ეკონომიკური ზრდა – აცხადებს პრემიერი ღარიბაშვილი მთავრობის სხდომაზე სიტყვით გამოსვლისას.
ღარიბაშვილის მტკიცებით, ქვეყანაში, “ყველა მიმართულებით ძალიან სერიოზული პროგრესია”, რაც განაპირობა ორნიშნა ეკონომიკურმა ზრდამ.
მისივე თქმით, ბოლო 2-3 წელში ქვეყნის მთლიანი შიდა პროდუქტი გაიზარდა თითქმის 30 მლრდ ლარით. გაისად კი მშპ, როგორც ღარიბაშვილი ამბობს, 80 მლრდ ლარი იქნება:
“ეს სერიოზული პროგრესია. ეს განაპირობა, არავის არ ვაყვედრით, მაგრამ ეს უნდა იცოდეს ყველამ, განსაკუთრებით ექსტრემისტებმა, რომლებიც ქვეყნის ომში ჩართვას გეგმავდნენ. ომის და სიკვდილის პარტიამ. მე ასე ვუწოდებ მათ. მათ უნდოდათ მეორე ფრონტის გახსნა, ქვეყნის დანგრევა, პოლიგონად გადაქცევა და მიიღეს სანაცვლოდ ორნიშნა ეკონომიკური ზრდა” ამბობს ღარიბაშვილი.