გაბრიელ სალოსის გამზირზე, სპეცოპერაცია დაახლოებით 13 საათია მიმდინარეობს. სამართალდამცველებს ბლოკირებული აქვთ რამდენიმე კორპუსის შესასვლელი ტერიტორია. არსებული ინფორმაციით, სამართალდამცველები და სპეცრაზმი ორი პირის აყვანას ცდილობს, რომლებიც ერთ-ერთი საცხოვრებელი კორპუსის ბინაში იმყოფებიანსპეცოპერაციის ადგილზე სასწრაფო სამედიცინო დახმარების ერთი მანქანა შევიდა. ადგილზე მთელი ღამის განმავლობაში მობილიზებული იყო სხვა ბრიგადებიც, ასევე სახანძრო-სამაშველო ჯგუფები. დილით კი სპეცოპერაციის ადგილზე პიკაპის ტიპის რამდენიმე ავტომობილით სპეცრაზმის დამატებითი ძალები შევიდა.გამთენიის 05:00 საათიდან მიმდინარეობდა შტურმი, რომელიც დაახოებით ერთი საათის განმავლობაში გაგრძელდა. შტურმის დროს ისმოდა ძლიერი აფეთქებებისა და სროლის ხმა. ამ დროისთვის უცნობია, რა შედეგით დასრულდა შტურმი. შტურმამდე რამდენიმე წუთით ადრე კი კორპუსიდან, სადაც სუს-ი სპეცოპერაციას ატარებს, მოსახლეობა გამოიყვანეს.
სპეცოპერაცია დაახლოებით 13 საათია მიმდინარეობს-გაბრიელ სალოსის გამზირზე სასწრაფო დახმარების მანქანა შევიდა
Published on