ბორჯომის საკრებულოს პირველი სხდომა ბოთლების სროლითა და ფიზიკური და სიტყვიერი დაპირისპირებით გაიხსნა

ახალი მოწვევის საკრებულოს პირველი სხდომა ბორჯომში ხმაურის ფონზე მიმდინარეობდა.პირველივე სხდომაზე ოპოზიცია, რომელიც საკრებულოში უმრავლესობაში აღმოჩნდა, უმცირესობაში დარჩენილ მმართველ პარტიას დაუპირისპირდა. შეხლა-შემოხლის მიზეზი პირველი სხდომის დღის წესრიგი გახდა. 4 ოპოზიციური პარტია საკრებულოს კომისიების თავმჯდომარეების არჩევას მოითხოვდა, თუმცა ”ქართულ ოცნება” ეს საკითხის დღის წესრიგში არ ჩასვა.ოპოზიციის დაჟინებული მოთხოვნით, საბოლოოდ, დღის წესრიგს კომისიების შექმნისა და თავმჯდომარეების შერჩევის საკითხი დაემატა, თუმცა კონფლიქტი ამით არ ამოწურულა. კიდევ ერთი ჩხუბი სამანდატო და ხმის დამთვლელი კომისიების დაკომპლექტებას მოჰყვა. ”ქართულმა ოცნებამ” თითო გარანტირებული ადგილი ყველა კომისიაში მოითხოვა. სიტყვიერი დაპირისპირება პროტესტით დასრულდა – ”ქართულმა ოცნებამ” სხდომა დატოვა და ოპოზიცია დარბაზში მარტო დარჩა.ოპოზიციამ კომისიები სრულად მხოლოდ ოპოზიციის წევრებით დაკომპლექტდა. ამის გამო ”ქართულმა ოცნების” წევრები სხდომაზე დაბრუნდნენ და ოპოზიციის მიერ, მიღებული გადაწყვეტილებების არალეგიტიმურად გამოცხადება მოითხოვეს.საბოლოოდ, დარბაზში დაბრუნებული ”ქართული ოცნების” პროტესტმა შედეგი გამოიღო და კომისიებში თითო თითო წევრად მმართველი პარტიის წარმომადგენლები დაამატეს.

ბორჯომის საკრებულოს პირველი სხდომა ბოთლების სროლითა და ფიზიკური და სიტყვიერი დაპირისპირებით გაიხსნა

სიახლეები

მდინარაძისთვის დაანონსებული სახელმწიფო მინისტრის პოსტი აღარ შეიქმნება – პაპუაშვილი

სტავროპოლში მომხდარი ავარიის შედეგად დაღუპულია 6 და დაშავებულია 40 ადამიანი.

ბიჭი, რომელიც ყვირილას ჩანჩქერზე დაიღუპა, 25 წლის ჯონი სიხარულიძეა

ახალი დეტალები დაურ ბუავას საქმეში: შსს-მ ორი ბინა გაჩხრიკა და ნარკოტიკები ამოიღო