მთავარისიახლეებისაზოგადოებავაკის პარკის საქმეზე დაკავებულები წინასწარი დაკავების იზოლატორში გადაიყვანეს - ნაწილი ბრალს არ...

ვაკის პარკის საქმეზე დაკავებულები წინასწარი დაკავების იზოლატორში გადაიყვანეს – ნაწილი ბრალს არ აღიარებს

Published on

ვაკის პარკის საქმეზე დაკვებული ცხრავე პირი წინასწარი დაკავების იზოლატორშია მოთავსებული. ისინი ადვოკატებთან შეხვედრას ელოდებიან.

ადგილზე უკვე მივიდა გიორგი ვახტანგაშვილის უფლებადამცველი, ლაშა ცუცქირიძე, რომელმაც მოკლე კომენტარი გააკეთა.

“გიორგი ვახტანგაშვილი, მოგეხსენებათ, დააკავეს გუშინ საღამოს საათებში, მასთან მქონდა მხოლოდ რამდენიმეწუთიანი კომუნიკაცია და შესაბამისად, დეტალურად ვერანაირ საკითხს ვერ გავივლიდით, შესაბამისად, ვერ მოგახსენებთ მის პოზიციას. […] ერთადერთი რაც შემიძლია დაგიზუსტოთ, 30 საათის განმავლობაში იმყოფებოდა საგამოძიებო სამსახურში და დეტალურად მიაწოდა ყველა ინფორმაცია, რასაც იმ ეტაპზე ფლობდა”, – თქვა ადვოკატმა.

ცნობისთვის, 13 ოქტომბერს, მოზარდი, რომელსაც ვაკის პარკის შადრევანში ჩასვლის შემდეგ დენმა დაარტყა გარდაიცვალა. მასთან ერთად დაშავდა კიდევ ორი ბავშვი, რომლებიც კლინიკებიდან უკვე გაწერეს. სამი ბავშვი ვაკის პარკის ახლად რეაბილიტირებულ შადრევანში ბურთის ამოსატანად ჩავიდა.

18 ოქტომბერს, შინაგან საქმეთა სამინისტრომ მომხდართან დაკავშირებით 9 პირი, მათ შორის “გრინსერვის პლუსის” დირექტორი, ლაშა ფურცხვანიძე და გარემოს დაცვის საქალაქო სამსახურის უფროსის მოადგილე დააკავა.

სიახლეები

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა, რომელშიც ქვეყანაში მიმდინარე მოვლენები დემოკრატიის...

ირაკლი ზარქუა რასა იუკნევიჩიენეზე – რაისა „კომუნისტკა“ არ ისვენებს

"რაისა და მისი სადაქალო“ - ასე მოიხსენიებს "ოცნების" დეპუტატი ირაკლი ზარქუა იმ ევროპარლამენტარებს, რომლებიც,...

პროკურატურის დღევანდელმა მოწმეებმა სინდისის პატიმრების წინააღმდეგ ჩვენება ვერ მისცეს

სინდისის პატიმრების, ანდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას, გურამ მირცხულავას,...

სურსათის ეროვნულმა სააგენტომ ატმის შეღებვის საქმეზე საგამოძიებო ორგანოებს მიმართა

სოციალურ ქსელში გავრცელდა ვიდეო, სადაც ჩანს, რომ კაცი გასაყიდად გამოტანილ ატამს ღებავს. კადრებმა საზოგადოებაში...