იტალიაში, ქალაქ ტურინში ეროვნებით ქართველი სავარაუდოდ ცემაში მოკლეს. შემთხვევა ტურინის საემიგრაციო მიმღებ გამანაწილებელ სამსახურში მოხდა. ინფორმაცია საქართველოს საკონსულო სამსახურს ცხელი ხაზით იტალიაში მცხოვრებმა ქართველმა ჯერ კიდევ ორი თვის წინ მიაწოდა, მაგრამ საკონსულოს რეაგირება არ მოუცდენია – აცხადებენ ტურინში მცხოვრები საქართველოს მოქალაქეები „რუსთავი 2"-თან საუბარში. მათი იფორმაციით ტურინის საემიგრაციო სამსახურში 23 წლის ბიჭის გარდაცვალების ფაქტს მალავენ. მათი თქმით, კიდევ ერთი ახლგაზრდა მამაკაცი სასტიკად ნაცემია და ის ამ დროისთვის კარცერში იმყოფება.
"ორი თვეა, საქართველოს საკონსულოს ვეხვეწებით, მოგვაქციოს ყურადღება, ახლაც კი, როდესაც მთელი იტალია ამაზე ლაპარაკობს, საკონსულოდან არავინ მოსულა. თქვენ სინდისზეა ეს ცოდვა, თქვე მონა ქართველებო,"- წერს სავარაუდოდ, საქართველოს ერთერთი მოქალაქე Facebook სტატუსში.
ქართველი ტურისტის გარდაცვალების შესახებ ინფორმაცია საქართველოს საგარეო საქმეთა სამინისტროშიც არ ადასტურებენ. უწყების ინფორმაციით, საკონსულო სამსახურისთვის ცნობილი იყო ქ. ტურინის სადეპორტო ცენტრში მომხდარი ბუნტის თაობაზე, თუმცა ცენტრის ხელმძღვანელობამ საკონსულოს აცნობა, რომ საქართველოს მოქალაქეები არ დაშავებულან და მათი ჯანმრთელობის მდგომარეობას საფრთხე არ ემუქრება."
დღეს 16 ნოემბერს გ.წ. დაუკავშირდა საკონსულო სამსხურს ცხლი ხაზის ნომერზე და აცნობა ქ. ტურინის საიმიგრაციო ცენტრში მომხადარი ბუნტის თაობაზე. მანვე განაცხადა, რომ სადეპორტო ცენტრში გარდაიცვალა ეროვნებით ქართველი, რომელიც ფლობს აზერბაიჯანულ პასპორტს. აღსანიშნავია, რომ საკონსულო სამსახურისთვის ცნობილი იყო ქ. ტურინის სადეპორტო ცენტრში მომხდარი ბუნტის თაობაზე და უკვე 14 ნოემბერს შედგა სატელეფონო საუბარი ქ. ტურინის საიმიგრაციო სამსახურთან ბუნტის თაობაზე ინფორმაციის მოძიების მიზნით, რა დროსაც საკონსულოს ეცნობა, რომ საქართველოს მოქალაქეები არ დაშავებულან და მათი ჯანმრთელობის მდგომარეობას არ ემუქრება საფრთხე.
მიუხედავად ამისა, 16 ნოემბერს, საქართველოს მოქლაქის მიერ განხორციელებული სატელეფონო ზარის შემდეგ, სიტუაციის ადგილზე გასაცნობად საკონსულომ წარმომადგენელი გამოყო. იგი ტურინში გაემგზავრება და ადგიზე ეროვნებით ქართველის შესაძლო გარდაცვალების ფაქტთან დაკავშირებით მოკვლევას ჩაატარებს.
ნათქვამია საგარეო საქმეთა სამინისტროს განცხადებაში.