ვრცელდება ინფორმაცია, რომ 24 ოქტომბერს, გვიან საღამოს "საქართველოს ბანკის" თავისუფლების მოდანზე მდებარე ფილიალიდან უცნობმა პირებმა 10 000 000 ლარამდე თანხა გაიტაცეს და ლარსის საკონტროლო – გამშვები პუნქტის გავლით საქართველოს საზღვრებს გარეთ გაიტანეს. .
საცარაუდოდ ინკასაციის მანქანა, რითაც „საქართველოს ბანკის“ თავისუფლების მოედნის ფილიალიდან თანხა გაიტანეს, ძარცვის ობიექტი გახდა, ხოლო ინკასატორები, სავარაუდოდ, მიიმალნენ. ინკასაციის მანქანა ჯერ რადარებიდან გაქრა, რის გამოც განგაში საქართველოს ბანკის ხელმძღვანელობამ ატეხა, შემდეგ კი პოლიციამ მიტოვებული, ჩუღურეთის რაიონში იპოვა.
ლარსის საკონტროლო-გამშვებ პუნქტზე წინასწარი შეთანხმების შედეგად, ფულით სავსე ხელჩანთებით დატვირთული პირები კონტროლის გარეშე გაატარეს. ერთ-ერთი ინკასატორი, რომელსაც ვერ პოულობენ, ცვლის უფროსია და მან თანამზრახველებთან ერთად საქართველოს საზღვრები უკვე დატოვა.
შსს- ს მიერ ოფიციალური განცხადება ამ ფაქტზე ამ დრომდე არ გაკეთებულა.