გაერო-ს გენერალური ასამბლეა 10 ოქტომბერს საგანგებო შეხვედრას გამართავს და რუსეთის მიერ უკრაინის ნაწილობრივ ოკუპირებული ოთხი რეგიონის ანექსიის საკითხს განიხილავს, – ინფორმაციას უკრაინული მედია ავრცელებს.
მათივე ინფორმაციით, შეხვედრაზე გაერო-ს 193 წევრი ქვეყანა განიხილავს რეზოლუციას, რომელიც ანექსიის შესახებ მზადდება.
შეგახსენებთ, რომ რუსეთმა გასულ კვირას უშიშროების საბჭოში აღნიშნულ რეზოლუციას, რომელიც ანექსიას გმობს, ვეტო დაადო.