უკრაინის სამხრეთის ფრონტზე შეიარაღებულმა ძალებმა მტრის პოზიციებზე 5 დარტყმა განახორციელეს.
მელიტოპოლის მერის ივან ფიოდოროვის განცხადებით, აფეთქების ხმები ისმოდა მოლოჩნი ლიმანის დასახლება ბოგატირში, სადაც ოკუპანტებმა თავიანთი შენაერთების ნაწილი გადაიყვანეს და სამხედრო ბაზა შექმნეს.
დღე-ღამის განმავლობაში განადგურებულია საბრძოლო მასალების ორი საწყობი და 4 რუსული სამხედრო ბაზა.
ხერსონის ოლქში, თბილისის დროით, დაახლოებით 00:30-ზე, უკრაინელებმა მეორე უპილოტო საფრენი აპარატი ჩამოაგდეს (პირველი დაახლოებით 18:00, თბ.დრ.)
ასევე სამხრეთის ფრონტზე, უკრაინელებმა კიდევ ერთი ბარჟა გაანადგურეს, რომლითაც ოკუპანტები საბრძოლო მასალებისა და ტექნიკის გადატანას ცდილობდნენ. დადასტურებულია 62 ოკუპანტის სიკვდილი და 5 ერთეული ჯავშანტექნიკის ჩაძირვა, – იტყობინება “სამხრეთის” სარდლობა.