ევროკომისიის პრეზიდენტი ურსულა ფონ დერ ლაიენი კიევში ჩავიდა. ინფორმაციას ფონ დერ ლაიენი Twitter-ზე ავრცელებს.
“ომის დაწყების შემდეგ ჩემი მესამე ვიზიტია კიევში.
რამდენი რამ შეიცვალა. უკრაინა ახლა ევროკავშირის წევრობის კანდიდატია”, – წერს ევროკომისიის პრეზიდენტი.
ევროკომისიის პრეზიდენტის თქმით, კიევში ვიზიტის ფარგლებში უკრაინის პრეზიდენტ ვოლოდიმირ ზელენსკისთან და პრემიერმინისტრ დენის შმიგალთან შეხვედრებს გამართავს და EU-ისა და უკრაინის ეკონომიკებისა და ხალხების დაახლოების საკითხებს განიხილავს.