კონფლიქტის ზონაში ძალის გამოყენებას მიზანშეწონილად არ მივიჩნევთ – აცხადებენ ,,კოლექტიური უსაფრთხოების შეთანხმების ორგანიზაციაში”, რომელშიც ძირითადად პოსტსაბჭოთა ქვეყნები, სომხეთი, ბელორუსი, რუსეთი, ყაზახეთი, ყირგიზეთი, ტაჯიკეთი, არიან გაერთიანებული და სადაც დომინანტურ როლს რუსეთი ასრულებს.
ინფორმაციას ყაზახური სააგენტო Informburo.kz ავრცელებს.
ვთვლით, რომ შეიარაღებული ძალების შეყვანა აზერბაიჯან-სომხეთის კონფლიქტის ზონაში მიზანშეუწონელია, დაძაბულობის განსამუხტად უნდა იქნეს გამოყენებული პოლიტიკურ-დიპლომატიური გზები, მეთოდები და ის შეთანხმება, რაც სომხეთის, აზერბაიჯანისა და რუსეთის ხელმძღვანელობას შორის 2020 წლის 9 ნომებერს, ასევე, 2021 წლის 26 ნოემბერს დაიდო – ნათქვამია ,,კოლექტიური უსაფრთხოების შეთანხმების ორგანიზაციის” მიერ გავრცელებულ განცხადებაში.
13 სექტემბრის ღამით სომხეთ-აზერბაიჯანის საზღვარზე მოხდა შეიარაღებული შეტაკება, სადაც მონაწილეობა მიიღეს უპილოტო საფრენმა საშუალებებმა და მძიმე შეიარაღებამ.
ოფიციალური ერევანი აცხადებს, რომ აზერბაიჯანს ჰქონდა მცდელობა, დაეწყო შეტევა და დაეცხრილა სომხეთის ტერიტორია.
ერევანის ბრალდებას არ უარყოფს აზერბაიჯანი, რომელიც აცხადებს, რომ ეს იყო რეაქცია სომხეთის დივერსიულ ქმედებებზე.
ოფიციალური ერევანი აცხადებს, რომ დაღუპულია მათი 49 სამხედრო პირი.