1-დან 12 სექტემბრამდე, უკრაინის არმიამ უკვე მოახერხა 6.000 კვ. კმ ფართობიდან ოკუპანტთა განდევნა, – ამის შესახებ ქვეყნის თავდაცვის მინისტრის მოადგილემ ანა მალიარმა განაცხადა. 

გათავისუფლებული ტერიტორიის ფართობი ყოველდღიურად იზრდება – ჯერ კიდევ გუშინ, საუბარი იყო 3-დან 4.000 კვ. კმ. ტერიტორიაზე, თუმცა მონაცემები სწრაფად შეიცვალა, რაც იმითაა განპირობებული, რომ “მსოფლიოს მეორე არმია” ჯერაც ვერ მოსულა აზრზე იმ შოკის შემდეგ, რაც განიცადა ხარკოვიდან განდევნის შემდეგ. 

თვალი გადავავლოთ 11-12 სექტემბერს უკრაინის არმიის მიერ, ქვეყნის სხვადასხვა ნაწილში გათავისუფლებული დასახლებული პუნქტების სიას:

 სტრილეჩა, ხარკოვის ოლქი,
 ბოგოროდიჩნოე, დონეცკის ოლქი,
 ტერნოვო, ხარკოვის ოლქი,
 ვისოკოპოლიე, ხერსონის ოლქი
 ნოვოვოზნესენკოე, ხერსონის ოლქი,
 ბელოგორკა, ხერსონის ოლქი,
 მიროლუბოვკა, ხერსონის ოლქი,
 სუხოი სტავოკი, ხერსონის ოლქი.

შეგახსენებთ, ხერსონის ოლქში, მხოლოდ ერთი დღე-ღამის განმავლობაში, 500 კვ,კმ ტერიტორიაა გათავისუფლებული, ხოლო საერთო ჯამში, ხერსონისა და ხარკოვის, დონეცკის ოლქებში, როგორც ანა მალიარი აღნიშნავს, გათავისუფლებული ტერიტორიის ფართობი 6.000 კვ. კილომეტრია.