ქალაქ ზუგდიდის მერიამ მესამედ გამოაცხადა  ტენდერი  ცენტრალური საფეხბურთო სტადიონის მშენებლობაზე , რომელიც  ენგურ – ქაღალდ კომბინატის ტერიტორიაზეა დაგეგმილი. 

წინა ორი ტენდერი უშედეგოდ დსრულდა – პირველში   მონაწილეობის სურვილი განცხადა  ერთადერთმა კომპანიამ,   რუსეთის ფედერაციაში  რეგისტრირებულმა ,,ლიტომმა", რომელიც, სატენდერო კომისიის მიერ დისკვალიფიცირებულ იქნა. დისკვალიფიკაცია მოხდა იმის საფუძველზე, კომპანიამ ვერ წარმოადგინა სრულყოფილი სატენდერო დოკუმენტაცია, თუმცა უნდა აღინიშნოს ისიც, რომ საზოგადოებაში და მედიაში გავრცელდა ინფორმაცია ამ საეჭვო წარმომავლობის კომპანიის არასათანადო შესაძლებლობების შესახებ. ეს მოხდა მას შემდეგ რაც ცნობილი გახდა, რომ ამ კომპანიას ცუდ გადამხდელად ასახელებს რუსეთის საგადასახადო ინსპექცია.  მეორედ გამოცხადებული ტენდერი კი არ შედგა, რადგან მასში  განაცხადი არცერთი  სამშენებლო კომპანიდან არ შემოსულა. 

მორიგ, მესამე ტენდერში მონაწილეობისათვის  წინადადებების მიღება 28 -30 ოქტომბრის პერიოდში მოხდება. 

სატენდერო დოკუმენტაციის მიხედვით, შესყიდვის სავარაუდო ღირებულება 9 800 000 ლარს შეადგენს.

 “ფიფას” სტანდარტების შესაბამისი საფეხბურთო სტადიონის მშენებლობა სამ ეტაპად იგეგმება და . 2017 წლის ბოლოსთვის უნდა დასრულდეს. 

სტადიონის სამშენებლო პროექტი „თბილქალაქ პროექტმა“ მოამზადა. მისი ღირებულება ჯამში 16 მლნ ლარს შეადგენს