ვოლოდიმირ ზელენსკიმ ტრადიციულ, საღამოს ვიდეომიმართვაში რუსეთის მოქმედებები (სარაკეტო დარტყმები კრიტიკულ სამოქალაქო ინფრსტრუტურაზე) ტერაქტებს შეადარა:
“უკუნ სიბნელეშიც კი უკრაინა და ცივილიზებული სამყარო თვალნათლივ ხედავენ ამ ტერორისტულ აქტებს.
გამიზნული და ცინიკური დარტყმები სამოქალაქო კრიტიკულ ინფასტრუქტურაზე. არავითარი სამხედრო ობიექტები. გამორთულია ხარკოვისა და დონეცკის ოლქები. ზაპოროჟიის, დნეპროპეტროვსკის, სუმის ოლქებში – ნაწილობრივი პრობლემებია.
ვოლოდიმირ ზელენსკიმ რუსეთს მიმართა და დაინტერესდა, ფიქრობენ თუ არა ისინი ამ დრომდე, რომ შეუძლიათ გატეხონ, დააშინონ და დათმობები აიძულონ უკრაინას.
“წაიკითხეთ ტუჩების მოძრაობით: გაზის გარეშე თუ თქვენს გარეშე? – თქვენს გარეშე! დენის გარეშე თუ თქვენს გარეშე? – თქვენს გარეშე! უწყლოდ თუ უთქვენოდ? – უთქვენოდ! ლუკმაპურის გარეშე თუ თქვენს გარეშე? თქვენს გარეშე!
სიცივე, შიმშილი, სიბნელე და წყურვილი – ჩვენთვის იმდენად საშიში და მომაკვდინებელი არ არის, როგორც თქვენი “მეგობრობა და ძმობა”. მაგრამ ისტორია ყველაფერს თავის ადგილს მიუჩენს და ჩვენ ვიქნებით გაზთან, სინათლესთან, წყალთან და საკვებთან ერთად, მაგრამ უთქვენოდ!”, – განაცხადა უკრაინის პრეზიდენტმა.