უკრაინის პრეზიდენტი და ქვეყნის შეიარაღებული ძალების მთავარსარდალი ვოლოდიმირ ზელენსკი ადასტურებს, რომ უკრაინის არმიამ წარმატება მოიპოვა სხვადასხვა მიმართულებით განვითარებული შეტევითი ოპერაციების შედეგად:
“სხვადასხვა მიმართულებებზე ჩვენი მეომრების წინსვლა გრძელდება. მოცემული დროისთვის, სექტემბრის დასაწყიდიდან, უკვე გათავისუფლებულია 2.000 კვ. კმ-ზე მეტი ტერიტორია”, – ამბობს უკრაინის პრეზიდენტი.
“რუსეთის არმია ამ დღეებში ავლენს იმას, რაც ყველაზე უკეთ შეუძლია: ზურგს გვაქცევს. ბოლოს და ბოლოს, მათთვის გაქცევა არ არის ცუდი არჩევანი: ოკუპანტების ადგილი უკრაინაში არ არის და არც იქნება”, – ამბობს ვოლოდიმირ ზელენსკი ტრადიციულ ვიდეომიმართვაში.