აბიტურიენტებს გამოცდებზე საკუთარი კალმის მიტანა შეეძლებათ

შეიძლება აბიტურიენტებს შევთავაზოთ, რომ სურვილი თუ ექნებათ, გამოცდაზე თავიანთი კალამი მოიტანონ, – ამის შესახებ შეფასებისა და გამოცდების ეროვნული ცენტრის დირექტორმა მაია მიმინოშვილმა განაცხადა. მისივე თქმით, შესაძლებელია აბიტურიენტებს ზუსტი ინფორმაცია მიაწოდონ, თუ როგორი კალამი უნდა მიიტანონ გამოცდაზე. "ვიფიქრე, რომ შეიძლება შევთავაზოთ აბიტურიენტებს, აპლიკანტებს, თუ ზუსტ მონაცემებს მივცემთ და ვეტყვით, რომ აუცილებლად ტუშიანი უნდა იყოს კალამი და არა ბურთულიანი, მოიტანონ, თუ აქვთ ამის სურვილი, მაგრამ ეს არ ნიშნავს, რომ ჩვენ არ დავახვედრებთ. მეორე მხრივ მაინც ვშიშობ, როცა ასეთი რაოდენობის ნაშრომებზეა საუბარი და სკანირება ხდება ყველა ნაშრომის, შესაძლებელია უბრალოდ ვერ წაიკითხოს ნაშრომი სკანერმა და პრობლემა შეექმნება აპლიკანტს. მას თუ შეექმნება პრობლემა, ეს ჩვენი პრობლემაა პირველ რიგში", – განაცხადა მაია მიმინოშვილმა.მიმინოშვილი კალმებთან არსებულ პრობლემებს გამოეხმაურა და აღნიშნა, რომ არსებული კანონმდებლობის ფარგლებში შეუძლებელია რამის შეცვლა."შეუძლებელია რამე შევცვალოთ არსებული კანონმდებლობის ფარგლებში. როდესაც ასეთი მოცულობის შესყიდვა გვინდა, ბუნებრივია, ტენდერი უნდა გამოვაცხადოთ და ტენდერში დაბალი ფასი იმარჯვებს. 90-თეთრიან კალმებს ვყიდულობთ, არ გვაქვს შეაძლებლობა უფრო ხარისხიანი კალამი ვიყიდოთ რა თქმა უნდა, 12 000-ში და 15 000-ში აღმოჩნდება გარკვეული რაოდენობა კალმებისა, რომელიც არ მუშაობს. რეზერვი გვაქვს ყველა საგამოცდო ცენტრში, ყველა აპლიკანტს რომ დასჭირდეს კალმის გამოცვლა, შეგვიძლია ყველას გამოვუცვალოთ", – განაცხადა მიმინოშვილმა.

აბიტურიენტებს გამოცდებზე საკუთარი კალმის მიტანა შეეძლებათ

სიახლეები

ენმ-ს განცხადებით შსს-მ 1 ოქტომბერს აქციის გამართვის უფლება არ მისცა

ნორვეგია რუსეთის მიერ გატაცებული უკრაინელი ბავშვების მოსაძებნად 2.3 მილიონ ევროს გამოყოფს

1-წლიანი პატიმრობის შემდეგ, “გირჩი – მეტი თავისუფლების” წევრი გელა ხასაია თავისუფალია

თბილისში, სტუდენტის დაჭრაში ბრალდებული დაკავებულია