უკრაინის ხელისუფლებისა თუ სამხედრო მედიარესურსების ცნობილი წარმომადგენლების სტატუსები, პოსტები, კომენტარები და ტვიტები ერთმანეთს გაჭრილი ვაშლივით არა, მაგრამ უკვე ძალიან ჰგავს: უმრავლესობა ამბობს, რომ ფრონტის არათუ მხოლოდ ერთი მონაკვეთიდან, არამედ უკვე ყველა იმ უბნიდან, სადაც შეტაკებებია, კარგი ამბები მოდის. 

“ხარკოვიდან მომდის ძალიან კარგი ამბები. ჯერ ვერ ვამჟღავნებ ყველა ინფორმაციას, რაც მაქვს, მაგრამ დამიჯერეთ, ნამდვილად უკრაინული ამინდია!”, – წერს რადის დეპუტატი გოჩარენკო. 

პრეზიდენტის ადმინისტრაციის უფროსის მრჩეველი არესტოვჩი კი ირწმუნება, რომ კონტრშეტევა არამხოლოდ სამხრეთ უკრაინაში, აღმოსავლეთ და სამხრეთ-აღმოსავლეთ ნაწილშიც მიმდინარეობს. 

სამხრეთით გამათავისუფლებელი ოპერაციის დაწყების შემდეგ ჩვენმა მებრძოლებმა გაათავისუფლეს რამდენიმე დასახლებული პუნქტი მდინარე დნეპრის მარჯვენა მხარეს.

ეს ოდნავ შესამჩნევი წინსვლაა რუკაზე, მაგრამ კონტრშეტევის დაწყებიდან ამ დრომდე სიტუაცია ძალიან შეცვლილია.

არესტოვიჩის თქმით, მოწინააღმდეგის შეიარაღებული ძალები დნეპრის მარჯვენა ნაპირზე ოპერატიულ ალყაში არიან და მომდევნო ერთი თვის განმავლობაში მათი მდგომარეობა გაუარესდება.

შეგახსენებთ, ამ დროისთვის, 6 სექტემბრის მონაცემებით, რუსეთმა უკრაინასთან ომში, მხოლოდ პირადი შემადგენლობიდან, 50.000-ზე მმეტი ჯარისკაცი დაკარგა. 

–

მეგობრებო!

როგორც იცით, რუსეთ-უკრაინის ომის დაწყებისთანავე, ჩვენ შევქმენით ტელეგრამ-არხი, სადაც ომი შუქდება ყველა ასპექტში, კომპეტენტურად და დეტალურად. ვმუშაობთ 24/7 და ვაქვეყნებთ როგორც ნიუსს, ასევე ექსპერტების, პოლიტიკოსების მოსაზრებებს, ანალიზს, პროგნოზებს. იმის გამო, რომ მნიშვნელოვანია როგორც რუს ოკუპანტებთან, ასევე რუსულ პროპაგანდასთან ბრძოლა, სასურველია, ვიყოთ ბევრნი და გავერთიანდეთ ინფორმაციულ ველზეც, როგორც ბრძოლის ველზე. ამიტომ, მოგიწოდებთ, გამოიწეროთ ჩვენი არხი: ერთად ვიყოთ ინფორმირებულები!