პოეტი ჯანსუღ ჩარკვიანი გარდაიცვალა

ჯანსუღ ჩარკვიანი დღეს დილით გარდაიცვალა. 86 წლის ქართველი პოეტი 12 აგვისტოს აინსულტის დიაგნოზით რეანიმაციულ განყოფილებაში მოათავსეს.როგორც პოეტის შვილმა თაკო ჩარკვიანმა მაშინ განაცხადა, ჯანსუღ ჩარკვიანს ჯანმრთელობის მდგომარეობა უკიდურესად მძიმე იყო. მისივე თქმით, ჯანსუღ ჩარკვიანის ჯანმრთელობის გაუარესება ნერვულ სტრესს უკავშირდებოდა.„ძალიან მძიმედაა, უკიდურესად მძიმედ, ინსულტი აქვს. 9 დღის წინ საავადმყოფოში მოვათავსეთ. გუშინ მდგომარეობა ძალიან დამძიმდა და ცნობიერებაც დაკარგა. ფილტვის პნევმონიაც აქვს. ექიმები ყველაფერს აკეთებენ მისი მდგომარეობიდან გამოსაყვანად. მთელი საქართველო გვირეკავს, სიყვარულიც ეს ყოფილა, გაოცებულები ვართ“, – განაცხადა თაკო ჩარკვიანმა.ჯანსუღ ჩარკვიანი 1931 წელს თბილისში დაიბადა. ჯანსუღ ჩარკვიანმა 1953 წელს დაამთავრა თბილისის სახელმწიფო უნივერსიტეტი. მისი პირველი ლექსი 1947 წელს გამოქვეყნდა. მას შემდეგ გამოვიდა პოეტის რამდენიმე კრებული.1978 წელს მიენიჭა გალაკტიონ ტაბიძის სახელობის პრემია, 1985 წელს კი, 1983-84 წლებში გამოქვეყნებული ლექსების ციკლისთვის მიენიჭა შოთა რუსთაველის სახელობის სახელმწიფო პრემია. 1998 წელს მიიღო შალვა დადიანის ლიტერატურული პრემია.ჯანსუღ ჩარკვიანი ღირსების ორდენის კავალერი იყო. თბილისის საპატიო მოქალაქის წოდება კი მიენიჭა 1996 წელს. 1995 და 1999 წლებში იყო საქართველოს პარლამენტის დეპუტატი.

პოეტი ჯანსუღ ჩარკვიანი გარდაიცვალა

სიახლეები

„მედია აკადემიის“ დირექტორი შორენა შავერდაშვილი სამსახურიდან გაათავისუფლეს

სუს-ის ინფორმაციით, მამუკა მდინარაძე აშშ-ში იმყოფებოდა

ავალიანის საქმეზე დაკავებულების აღკვეთის ღონისძიებაზე სასამართლო დღეს ხელახლა იმსჯელებს

ნარკოდანაშაულის ბრალდებით 8 პირი დააკავეს