პოლონეთის საპარლამენტო არჩევნებში ოპოზიციამ გაიმარჯვა. წინასწარი შედეგების თანახმად, კონსერვატიულმა პარტიამ ,,კანონი და სამართლიანობა'', რომელსაც იაროსლავ კაჩინსკი ხელმძღვანელობს, ხმების 39 პროცენტზე მეტი მოაგროვა, მმართველ გუნდს ,,სამოქალაქო პლატფორმას'' კი ამომრჩევლის მხოლოდ 23 პროცენტი მიემხრო. თუ არჩევნების საბოლოო შედეგები უცვლელი დარჩა, კონსერვატორები საკანონმდებლო ორგანოში უმრავლესობას მოიპოვებენ და 1989 წლის შემდეგ პირველად, მთავრობის დამოუკიდებლად ფორმირებასაც შეძლებენ.
პოლონეთის პრემიერმინისტრმა ევა კოპაჩმა, რომელმაც სექტემბერში შეცვალა ამ პოსტზე გადამდგარი დონალდ ტუსკი, ოფიციალურად აღიარა მისი პარტიის დამარცხება
პარტიის ლიდერს იაროსლავ კაჩინსკის პრემიერის პოსტზე თავისი კანდიდატურა არ წამოუყენებია, მისი განცხადებით, იგი პრემიერმინისტრის პოსტის კვლავ დაკავებას არ გეგმავს, მის ნაცვლად ამ თანამდებობას ბეატა შიდლო დაიკავებს