რუსებმა დაბომბეს ბირთვული ენერგიის საერთაშორისო სააგენტოს [IAEA] მისიის წინასწარ შეთანხმებული მარშრუტი ზაპოროჟიეს ატომური ელექტროსადგურისკენ – ამის შესახებ ზაპოროჟიეს რეგიონული სამხედრო ადმინისტრაციის თავმჯდომარემ ალექსანდრე სტარუხმა განაცხადა.
მისი ინფორმაციით, ექსპერტების ჯგუფი უსაფრთხოებიდან გამომდინარე, მოძრაობას ვერ აგრძელებს.
„ჩვენ მოვითხოვთ, რომ რუსეთის ფედერაციამ შეწყვიტოს პროვოკაციები და შეფერხების გარეშე მისცეს წვდომა IAEA-ს უკრაინის ატომურ ობიექტზე“, – დასძინა სტარუხმა.
შეგახსენებთ, უკრაინის მთავრობის მიწვევით, IAEA-მ შექმნა მისია დროებით ოკუპირებული ზაპოროჟიეს ატომური ელექტროსადგურის მოსანახულებლად. მის შემადგენლობაში 14 საერთაშორისო ექსპერტია, რომლებიც ადგილზე გუშინ, 31 აგვისტოს ჩავიდნენ.
მათი ვიზიტის პარალელურად, რუსეთმა ქალაქ ენერგოდარისა და ატომური სადგურის გარშემო დაბომბვა გააძლიერა, რასაც ადგილობრივ მოსახლეობაში მსხვერპლილ მოჰყვა