მედიის ინფორმაციით, ოკუპანტები მთელი ღამის განმავლობაში ბომბავდნენ ქალაქ ენერგოდარს. მერის, დმიტრო ორლოვის ინფორმაციით, მტერი ქალაქს ნაღმტყორცნებით უტევს. დაბომბვის შედეგად არიან დაღუპულები და დაჭრილები. ზუსტი რაოდენობა უცნობია. ორლოვის ინფორმაციითვე, დაზიანებულია საცხოვრებელი კორპუსები, კერძო სახლები, საბავშვო ბაღები და სხვა სამოქალაქო ობიექტები – “ქალაქში ნაღმტყორცნებიდან სროლა დღეს, 1 სექტემბერს, დილის 5 საათიდან არ შეწყვეტილა” – ამბობს ორლოვი.

შეგახსენებთ, სწორედ ენერგოდარში მდებარეობს ზაპოროჟიეს ატომური ელექტროსადგური, სადაც ამ დროისათვის ბირთვული ენერგიის საერთაშორისო სააგენტოს ექსპერტები იმყოფებიან ვითარების შესასწავლად. IAEA-ს მისია სადგურზე გუშინ, 31 აგვისტოს ჩავიდა და მათ სავარაუდოდ რამდენიმე დღე დასჭირდებათ არსებული მდგომარეობის შესაფასებლად.