უკრაინის პრეზიდენტის ადმინისტრაციის მეთაურის მრჩეველი, პოლკოვნიკი ოლექს არესტოვიჩი “ტელეგრამის” ოფიციალურ გვერდზე წერს, რომ ხერსონის მიმართულებით შეტევა არ იქნება სწრაფი პროცესი.
“დღეს დაიწყო ოკუპანტებისგან უკრაინის სამხრეთის გათავისუფლების აქტიური ნაწილი.
ეს გეგმიური, ხანგრძლივი ოპერაციაა, რომელიც მოწინააღმდეგის ძალების გადატეხვას ითვალისწინებს, ჩვენი მეომრებისა და მოქალაქეების სიცოცხლის შენარჩუნებით.
რა თქმა უნდა, ბევრს სურდა მასშტაბური შეტევა ახალი ამბებით, როგორ იღებენ ჩვენები საათში ერთ პუნქტს, მაგრამ ჩვენ ასე არ ვიბრძვით და რესურსიც შეზღუდულია.
ჩვენ არ ვიბრძვით მამაღალი ფრაზებისთვის, როგორც მოწინააღმდეგე, ჩვენ საქმისთვის ვიბრძვით.
ეს საქმე კი დროსა და ძალებს ითხოვს.
ამიტომ, მოთმინებით აღიჭურვეთ. ეს პროცესი ძალიან სწრაფი არ იქნება, მაგრამ დასრულდება უკრაინის ყველა დასახლებულ პუნქტზე უკრაინის დროშის აღმართვით”, – წერს არესტოვიჩი.