“სამხრეთის” სარდლობა ადასტურებს, რომ უკრაინამ შეტევითი ოპერაციები დაიწყო.

“უკრაინის შეიარაღებულმა ძალებმა დაიწყეს შეტევითი ოპერაციები უკრაინის სამხრეთის რამდენიმე მიმართულებაზე”, – ამის შესახებ “სამხრეთის” სარდლობის გაერთიანებული პრესცენტრის ხელმძღვანელი ნატალია გუმენიუკი იტყობინება.

ამასთან, ვრცელდება ვიდეო, საიდანაც ირკვევა, რომ დონბასელმა სეპარატისტებმა ( 109-ე პოლკის ბოევიკებმა) და რუსეთის საჰაერო-სადესანტო ძალების ცალკეულმა ქვედანაყოფებმა ხერსონის ოლქის ადმინისტრაციული საზღვრის ტერიტორიიდან უკან დაიხიეს.

“უკრაინელები გვესვრიან ყველაფრიდან, – ტანკებიდან , არტილერიიდან, მოქმედებს ავიაცია, ხერსონში თავდაცვის პირველი ხაზი გაარღვიეს, “, – ყვირის ბოევიკი ვიდეოში, რომელიც ცდილობს, საშიშ ადგილს ხოხვით გაშორდეს («прорвали первую линию обороны» и «****** [бьют] c танков, авиации, артиллерии».)

შეგახსენებთ, რომ ხერსონსა და ხერსონის ოლქზე მდებარე ობიექტებზე უკრაინამ ღამის განმავლობაში იერიშები მიიტანა, ხოლო თავდაცვამ გაავრცელა ინფორმაცია, რომ ხერსონში თითქმის ყველა ხიდის მწყობრიდანაა გამოსული და ოკუპანტები ყირიმიდან ვერც დამატებით ძალებს, ვერც შეიარაღებას ვერ იღებენ.