უკრაინის არმიისთვის წარმატებული აღმოჩნდა 28-29 აგვისტოს დღე-ღამე. მთელი დღის განმავლობაში, 28 აგვისტოს, სხვადასხვა რუსულ ლოკაციებზე აფეთქების ხმა ისმოდა და მათ შორის იყო საწყობის აფეთქება სევასტოპოლშიც. 

ამას გარდა, უკრაინელებმა მორიგი იერიში მიიტანეს ნოვა კახოვკაზე, სადაც არსებული ხიდი ჰეს-თან, ფაქტობრივად, გამოუსადეგარია საბრძოლო ტექნიკის გასატარებლად, ეს კი ოკუპანტებს დამატებით პრობლემებს უქმნის. 

ხერსონში 29 აგვისტოს, გამთენიისას, რუსული ბაზა უკრაინელმა არტილერისტებმა დაბომბეს – რაკეტა პირდაპირ მოხვდა შენობას, სადაც ადრე უკრაინის ეროვნული გვარდიის ბაზა იყო, ხერსონის ოკუპაციის შემდეგ კი რუსი სამხედროები შევიდნენ. საუბარია დიდი რაოდენობით დაჭრილებსა და დაღუპულებზე. 

უკრაინის არმიის გენშტაბის ინფორმაციით, გუშინ, 28 აგვისტოს, რუსი ოკუპანტები ცდილობდნენ, სადაზვერვო ბრძოლით წაწეულიყვნენ სლავიანსკის მიმართულებაზე, შეეტიათ დასახლებული პუნქტებისთვის დოლინა და ბოგოროდიჩნოე, თუმცა, წარუმატებლად: მათ ზარალი განიცადეს და უკან დაიხიეს. 

თავიანთ მხრივ, რუსმა ოკუპანტებმა როვნოს რაკეტებით შეუტიეს, ასევე რაკეტები გაუშვეს ბელორუსის მხრიდან – სულ 5 რაკეტა. არსებული ინფორმაციით, ტუ-22-ებით რაკეტები ისტროლეს კასპიის ზღვის არეალიდანაც, მაგრამ კარგად იმუშავა ჰსთ სისტემებმა უკრაინაში.