საქალაქო სასამართლოს ეზოში, სადაც რუსთავი 2-ის საქმის განხილვა მიმდინარეობს, საპატრულო პოლიციაა მობილიზებული. პოლიციის თანამშრომლები სასამართლოს უკანა ეზოში ავტობუსებში არიან განთავსებული. პოლიციის თანამშრომლები დილიდან საქალაქო სასამართლოს ცენტრალურ შესასვლელს და ავტომობილების გადაადგილებას აკონტროლებენ.
სასამართლოს ეზოში რუსთავი 2-ის მხარდამჭერები იმყოფებიან, მათ შორის არიან საპარლამენტო და არასაპარლამენტო ოპოზიციის წარმომადგენლები, ცნობილი სახეები, მხარდამჭერები რეგიონებიდანაც არიან ჩასულები.
საზოგადოების მობილიზება მნიშვნელოვანია. ,,ჩვენ ვიბრძოლებთ ბოლომდე, რომ თავისუფალი სიტყვა იყოს დაცული" – აცხადებს ნაციონალური მოძრაობის ლიდერი სამეგრელოს რეგიონში თენგიზ გუნავა , რომელიც თანამოაზრეებთან ერთად რუსთავი 2 – ის მხარდასაჭერად თბილისში იმყოფება