ესპანეთი უკრაინას საზენიტო ბატარეას და რაკეტებს პირველად გაუგზავნის, მას შემდეგ, რაც თებერვალში რუსეთმა ომი დაიწყო. ამის შესახებ განცხადება ქვეყნის თავდაცვის სამინისტრომ გააკეთა.

მადრიდის სამხედრო დახმარების უახლესი ტვირთი, ასევე, მოიცავს 1 000 საველე საარტილერიო საბრძოლო მასალას, ათას ტონა დიზელის საწვავს, სხვადასხვა ჯავშანმანქანასა და 30 000 ზამთრის ფორმას.

ესპანეთი გაწვრთნის უკრაინულ ჯარებს საზენიტო ბატარეის გამოყენებაში და ასევე გაწვრთნის უკრაინის საჰაერო ძალების პერსონალს “მოკავშირე ქვეყანაში”. განცხადებაში დაკონკრეტებული არაა რომელი ქვეყნებია ნაგულისხმები.

ესპანეთმა უკრაინას აპრილში 200 ტონა საბრძოლო მასალა და სხვადასხვა სამხედრო დახმარება გაუგზავნა.