უკრაინაში სარკინიგზო სადგურის დაბომბვის შედეგად დაღუპულთა რიცხვი 22-მდე გაიზარდა. ამის შესახებ ქვეყნის პრეზიდენტი ვოლოდიმირ ზელენსკი ვიდეომიმართვაში აცხადებს. მისი ინფორმაციით, დაღუპულთა შორის ერთი 11 წლის მოზარდია.
როგორც ზელენსკიმ აღნიშნა, დაღუპულთაგან 5 ადამიანი მანქანაში დაიწვა, რკინიგზის სადგურზე სამძებრო-სამაშველო სამუშაოები გრძელდება.
ოკუპანტებმა რკინიგზის სადგური დღეს დაბომბეს. დაღუპულთა რიცხვი შესაძლოა კიდევ გაიზარდოს.