შესაძლოა, რუსეთმა უკრაინას დამოუკიდებლობის დღე ბელორუსის მხრიდან დაბომბვით “მიულოცოს”, – ამის შესახებ უკრაინის საჰაერო ძალების სპიკერმა, პოლკოვნიკმა იური იგნატმა განაცხადა. 

იგნატის თქმით, დაზვერვის მონაცემებისა და ღია წყაროების ანალიზის თანახმად, არსებობს მონაცემები, რომ რუსეთი ზრდის თავის კონტინგენტს ბელორუსში. 

“ბელორუსის ტერიტორიას რუსეთი ფართომასთაბიანი შეჭრის პირველივე დღეებში იყენებდა და იქედან დარტყმებს ახორციელებდა. ამიტომაც ჩვენ მოგვიწევს, მოვემზადოთ – გვაქვს ინფორმაცია ცალკეული გადაადგილებების შესახებ. 

მალე ჩვენ დიდი დღესასწაული გვაქვს – დამოუკიდებლობის დღე (24 აგვისტო, – რედ.) და, რასაკვირველია, მტერი ასეთ დღეებს ყოველთვის “მილოცვისთვის” იყენებს. ჩვენ ყველაფრისთვიოს მზად უნდა ვიყოთ”, – აღნიშნა პოლკოვნიკმა. 

–

ნახეთ უფრო მეტი ჩვენს ტელეგრამ-არხზე “ტვ ოდიში – უკრაინა ლაივ” – ჩვენ ვმუშაობთ 24/7-ზე, რათა ოპერატიულად იყოთ ინფორმირებული. 

უკრაინელებმა სამხრეთის ფრონტზე ოკუპანტთა ბაზებს შეუტიეს – რუსეთის დანაკარგი