დღეს თბილისში გაიხსნა სამხრეთ კავკასიის უსაფრთხოების მესამე ფორუმი და საქართველოს თავდაცვისა და უსაფრთხოების კონფერენცია, რომელიც პირველად ტარდება ერთობლივ ფორმატში .
ორი დღის განმავლობაში კონფერენციის მონაწილეები განიხილავენ რეგიონული და გლობალური უსაფრთხოების ისეთ მნიშვნელოვან საკითხებს , როგორიცაა ევროატლანტიკური უსაფრთხოება, საინფორმაციო ომები, ახლო აღმოსავლეთიდან მომავალი საფრთხეები, 2016 წლის ნატოს ვარშავის სამიტი, სამხედრო ბალანსი შავი ზღვის რეგიონში, უკრაინის კრიზისი და ევროპის უსაფრთხოების გამოწვევები.
ფორუმსა და კონფერენციაზე დასასწრებად დღეს დილით ჩამოვიდა ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი.