მომღერალი მამუკა ონაშვილი გარდაიცვალა. ის გუშინ ავარიაში მოყვა და მისი მდგომარეობა მთელი დღის განმავლობაში მძიმე იყო.
ის პირველ საუნივერსიტეტო კლინიკაში იმყოფებოდა და როგორც ექიმები ამბობდნენ, მისი მდგომარეობა მძიმე იყო და მართვით სუნთქვაზე იმყოფებოდა.
„მდგომარეობა მძიმეა, იმყოფება მართვით სუნთქვაზე. ჩაუტარდა ქირურგიული ოპერაცია, შიდა ორგანოები ჰქონდა დაზიანებული. ამ ეტაპზე მკურნალობას რეანიმაციულ განყოფილებაში განაგრძობს“, – ამბობდნენ კლინიკაში.
ცნობისთვის, ავარია გუშინ, ნატახტართან მოხდა, რა დროსაც ერთმანეთს ორი ავტომობილი შეეჯახა. შემთხვევის შედეგად 1 ადამიანი დაიღუპა, 3 კი დაშავდა.