გალის რაიონის სოფელ ფიჩორში 16 ოქტომბერს განხორციელებული სპეცოპერაციის შედეგად დაკავებულია სოფელ გაგიდას მცხოვრები კობა ოკუჯავა.
სპეცოპერაცია განხორციელდა ოკუპირებული აფხაზეთის სახელმწფო უსაფრთხოების სამსახურისა და შს სამინისტროს გალის განყოფილების თამაშრომლების მიერ. – ინფორმაციას ამის შესახებ ,, აფსნილაიფი'' ავრცელებს.
გენერალური პროკურატურის განცხადებით, კობა ოკუჯავა ჯერ კიდევ 2003 წლიდან იძებნებოდა როგორც ,,მკვლელობაში, გატაცებასა და ყაჩაღურ თავდასხმაში ეჭვმიტანილი და ,ქართული ბანდფორმირების ერთერთი წევრი''.
აფხაზეთის დე ფაქტო შინაგან საქმეთა სამინისტროს ცნობით, კობა ოკუჯავა ეჭვმიტანილია 2000 წლის ნოემბერში მომხდარ გახმაურებულ თავადასხმაში.
საუბარია სოფელ ჭუბურხინჯში მომხდარ შეიარაღებულ თავდასხმაზე, რომელშიც იმ დროისათვის დაუდგენელი 11პირი მონაწილეობდა. ჯგუფი თავს დაესხა ოჩამჩირის რაიონის სოფელ მერკულის მცხოვრებთ, რასაც ემსხვერპლა ამ სოფლის მკვიდრი, მოქალაქე ბუავა, ხოლო შემდეგ გამოსასყიდის მიზნით მძევლად გაიტაცა მისი გულრიფშელი სტუმარი.
დე ფაქტო სამინისტროს განცხადებით, კობა ოკუჯავა ამ დრომდე მიმალვაში იმყოფებოდა.