„სევეროდონეცკს არ დავთმობთ, მაგრამ უკრაინის შეიარაღებულ ძალებს, შესაძლოა, ქალაქიდან უკანდახევა მოუწიოს, გამაგრებული პოზიციებისკენ“, – ამის შესახებ ლუგანსკის ოლქის სამხედრო ადმინისტრაციის ხელმძღვანელმა სერგეი გაიდაიმ განაცხადა.

მისი თქმით, ეს არ ნიშნავს იმას, რომ ქალაქს ჩააბარებენ.

„იქ გააფთრებული ბრძოლები მიმდინარეობს, უკრაინელი მეომრები ყოველი სანტიმეტრისთვის იბრძვიან. ყველა იარაღი, რაც აქვს ახლა არსენალში რუსეთის არმიას, სწორედ იქეთკენ მიფრინავს“, – განაცხადა სერგეი გაიდაიმ ნაციონალური ტელემარათონის ეთერში და ჟურნალისტებს მოუწოდა, გამოთნათქვამებს დაუკვირდნენ:

„დაუკვირდით გამონათქვამებს, ნუ ახალისებთ მოღალატეებს და ნუ უფუჭებთ განწყობას მეომრებს. არავინ აპირებს სევეროდონეცკის ჩაბარებას!“, – განაცხადა გაიდაიმ ტელეეთერში.