საფინანსო-საბიუჯეტო კომიტეტის თავმჯდომარის თამაზ მეჭიაური ეხმაურება "სოკარის" მიერ გავრცელებულ განცხადებას იმის შესახებ, რომ კომპანიას შეუძლია სრულად დააკმაყოფილოს საქართველოს საჭიროებები გაზზე გაზრდილი მოხმარების პირობებშიც და აცხადებს, რომ , კახა კალაძე ფლობს სიტუაციას, თუ ვის რამდენი გაზი აქვს და ვის რამდენის მოწოდება შეუძლია.
,, კალაძის კომენტარებს უფრო ვეთანხმები, ვიდრე "სოკარს". კალაძე გამოდის ეროვნული ინტერესებიდან, რომ ქვეყანას ჰყავდეს მრავალი მომწოდებელი ნებისმიერ სიტუაციაში, რომ არ იყოს არც ერთზე, მათ შორის, მეგობარზე დამოკიდებული", – აცხადებს იგი.
რაც შეეხება პრეზიდენტის ინიციატივას, რომ მთავრობის სხდომა გაიმართოს ამ საკითხებთან დაკავშირებით, რომელშიც თავადაც მიიღებს მონაწილეობას, მეჭიაურის თქმით, "პრეზიდენტს იმდენი საქმე აქვს თავისი, რომ მთავრობის საქმეების განხილვას ჯობია თავი დაანებოს".