ოკუპანტებმა ჩერნიგოვის რაიონის სოფელ იაჰიდნეს სკოლის სარდაფში 150 ადამიანი ტყვედ აიყვანეს და სრულ ანტისანიტარიაში ამყოფებდნენ – ამის შესახებ ინფორმაციას უკრაინული მედია ჩერნიგოვის რეგიონული სახელმწიფო ადმინისტრაციის ხელმძღვანელ, ვიაჩესლავ ჩაუსის ინფორმაციაზე დაყრდნობით ავრცელებს.
“აქ ავად იყვნენ და კვდებოდნენ. აქ ცოცხლები იყვნენ მიცვალებულების გვერდით. შიმშილი. წყურვილი. შიში. სასოწარკვეთა. საპირფარეშო ვედროზე. დახრჩობა. ქალები და ბავშვები იყვნენ… საშინელებაა. მტერი ამაზე პასუხს აგებს“, – წერს ის.
მანამდე ჩერნიგოვის რაიონში, რუსებს ხუთი უკრაინელი ჰყავდათ ტყვეობაში. მამაკაცები 33 დღის განმავლობაში იყვნენ ტყვეობაში. ოკუპანტებმა ისინი მძევლად აიყვანეს, შიმშილით სიკვდილითა და დახვრეტით ემუქრებოდნენ და ნულამდე ტემპერატურაზე რკინის კონტეინერში ჩაკეტეს.