ორი რუსული თვითმფრინავი, რომლებმაც 2 მარტს შვედეთის საჰაერო სივრცე დაარღვიეს, აღჭურვილი იყო ბირთვული იარაღით – ინფორმაციას შვედური ტელეარხი TV4 ავრცელებს.
მედიის ინფორმაციითვე, რუსული თვითმფრინავების მიერ, საჰაერო სივრცის დარღვევა შვედეთის დაშინების მიზანმიმართული მცდელობა იყო.
წყაროზე დაყრდნობით ადგილობრივი გამოცემა წერს, რომ 2 მარტს კალინინგრადის რუსული ავიაბაზიდან ოთხი თვითმფრინავი აფრინდა. აქედან ორი კი, თავდასხმის თვითმფრინავი აღჭურვილი იყო ბირთვული იარაღით.
უკრაინაში, პუტინის ომის გამო შვედეთის საჰაერო ძალებმა გაზარდეს მზადყოფნა და წინასწარ შენიშნეს, რომ რუსი პილოტები გოტლანდისკენ მიემართებოდნენ.
“ეს არის სიგნალი შვედეთისთვის, რომ ჩვენ გვაქვს ბირთვული იარაღი და შეგვიძლია განვიხილოთ მათი გამოყენებაც” – ამბობს სტეფან რინგი, სამხედრო სტრატეგიული ექსპერტი.
შვედეთის საჰაერო სივრცის დარღვევა დაახლოებით ერთი წუთი გაგრძელდა. საპასუხოდ, კი ქვეყნის საჰაერო ძალებმა ააფრინეს ორი JAS 39 Gripen თვითმფრინავი.