“ის რომ საქართველომ უარი თქვა ანტირუსულ სანქციებზე, რუსული დიპლომატიის გამარჯვებაა” – ამის შესახებ რუსეთის სატელევიზიო ეთერში ტელეწამყვანმა და კრემლის პროპაგანდისტმა, ოლგა სკაბეევამ განაცხადა.
“ნუ რა უნდა ვთქვათ, დანილოვმა საერთოდაც მეორე ფრონტების გახსნა მოითხოვა, რომ რუსეთმა ვეღარ შეძლოს უკრაინის ტერიტორიაზე სპეცოპერაციის ჩატარება. აქვე უნდა ითქვას, რომ მოლდოვამ უარი თქვა ანტირუსულ სანქციებზე, საქართველომაც საოცარია და უარი თქვა ანტირუსულ სანქციებზე და ეს რუსული დიპლომატიის გამარჯვებაა”,- ამბობს სკაბეევა.
სტუდიაში საუბარი უკრაინასა და რუსეთს შეეხებოდა, რომელიც დუმის დეპუტატ, მიხაილ დელიაგინის თქმით, რუსეთის ინტერესების საწინააღმდეგოდ მოქმედებს და ამისათვის უნდა დაისაჯოს.
“უნდა აღვადგინოთ ნორმალური სახელმწიფოებრიობა მთელს უკრაინაში და სასურველია, რუსეთის შემადგენლობაში. ამის გარეშე დენაციფიკაცია შეუძლებელი იქნება. პოლონეთის არმია მიუახლოვდა ბელარუსის საზღვარს და სავარაუდოა, რომ ისინი თავს დაესხმებიან ჩვენს მოკავშირეს. აზერბაიჯანმაც დაარღვია ზავი. ეს საფრთხეა და არ შეიძლება არ დაისაჯონ. რაში გვჭირდება აზერბაიჯანის ნავთობწარმოება, ის ძალიან მოწყვლადია. თუ ლაპარაკი არ ესმით, გაიგებენ საქმეს. თუ ამას არ გავაკეთებთ, ჩვენ აღარ ვიქნებით, გესმით? – ამბობს-რუსეთის დუმის დეპუტატი, მიხაილ დელიაგინი.
ცნობისთვის, ეს პირველი შემთხვევა არაა, როცა რუსი პროპაგანდისტები საქართველოს ხელისუფლებას აქებენ.