NATO-ს გენერალური მდივანი იენს სტოლტენბერგი აცხადებს, რომ განიხილავენ საქართველოსთვის ინდივიდუალური მხარდაჭერის გაძლიერებას.
“მე, ასევე ველი, რომ ჩვენ შევთანხმდებით, გავაძლიეროთ ინდივიდუალური მხარდაჭერა სხვა პარტნიორებისთვის, რომლებიც რუსეთის ზეწოლის რისკის ქვეშ არიან. მათ შორის, საქართველოსთან და ბოსნია და ჰერცეგოვინასთან.
ევროკავშირთან ერთად, ჩვენ უნდა დავეხმაროთ მათ სუვერენიტეტისა და დამოუკიდებელი გადაწყვეტილების მიღების უფლების დაცვაში”, – განაცხადა იენს სტოლტენბერგმა სამიტამდე ერთი დღით ადრე გამართულ პრესკონფერენციაზე