მიხეილ სააკაშვილის ჯანმრთელობის მდგომარეობა საგანგაშოა – ცნობილია სამედიცინო კვლევის შედეგები, რომელიც მესამე პრეზიდენტს რამდენიმე დღის წინ, რესპუბლიკურ საავადმყოფოში ჩაუტარდა.
დასკვნის მიხედვით, მიხეილ სააკაშვილს სხვადასხვა სახის პრობლემებთან ერთად, აქვს ნევროლოგიური პრობლემებიც.
კვლევის შედეგებს გაეცნენ ალტერნატიული კომისიის წევრები. ექიმები ამბობენ რომ ყველა დიაგნოზი, რომელიც კვლევაშია, მათთვის თავიდანვე იყო ცნობილი.
“რასაც ვპროგნოზირებდით, ყველაფერი დადასტურდა. ამ კვლევებით დადგინდა, რომ დიაგნოსტიკა აიყო არასწორი და შესაბამისად, მკურნალობაც იყო არასწორი როგორც გორის ჰოსპიტალში, ასევე მომდევნო პერიოდში რუსთავის მე-12 დაწესებულებაში” – ამბობს “ემპათიას” ხელმძღვანელი მარიამ ჯიშკარიანი.
ის ითხოვს, დაუშვან სასჯელაღსრულების დაწესებულებაში ემპათიას ექსპერტები და მედიკოსები, რომლებიც ადეკვატურად შეაფასებენ არსებულ ვითარებას და დანიშნავენ შესაბამის მკურნალობას.
მისივე თქმით, უნდა განიხილებოდეს მიხეილ სააკაშვილის სამკურნალოდ ქვეყნიდან გაყვანის საკითხიც.
მიხეილ სააკაშვილი გამოკვლევებისთვის პენიტენციურმა სამსახურმა რესპუბლიკურ საავადმყოფოში რამდენიმე დღის წინ ისე გადაიყვანა, ამის შესახებ მისი ადვოკატებიც არ იყვნენ ინფორმირებული.